- ਇੰਟਰਨੈੱਟ ਕੀ ਹੁੰਦਾ ਹੈ।
ਉੱਤਰ:- ਇੰਟਰਨੈੱਟ ਨੂੰ ਆਮ ਤੌਰ ਤੇ "ਨੈੱਟਵਰਕ ਆਫ ਨੈੱਟਵਰਕਸ" ਵੀ ਕਿਹਾ ਜਾਂਦਾ ਹੈ। ਇਹ ਸੰਸਾਰ ਦੇ ਬਹੁਤ ਸਾਰੇ ਕੰਪਿਊਟਰਾਂ ਦਾ ਇੱਕ ਵਿਸ਼ਾਲ ਨੈੱਟਵਰਕ ਹੈ, ਜਿਸ ਰਾਹੀਂ ਅਸੀਂ ਆਪਸ ਵਿੱਚ ਸੂਚਨਾਵਾਂ ਦਾ ਅਦਾਨ-ਪ੍ਰਦਾਨ ਕਰ ਸਕਦੇ ਹਾਂ। ਇੰਟਰਨੈੱਟ ਸਾਨੂੰ ਬੇਮਿਸਾਲ ਸੁਵਿਧਾਵਾਂ ਪ੍ਰਦਾਨ ਕਰਦਾ ਹੈ ਜਿਸ ਰਾਹੀਂ ਸਮੇਂ ਅਤੇ ਧਨ ਦੀ ਕਾਫੀ ਬੱਚਤ ਹੁੰਦੀ ਹੈ।
- ਇੰਟਰਨੈੱਟ ਦੇ ਇਤਿਹਾਸ ਬਾਰੇ ਜਾਣਕਾਰੀ ਦਿਓ।
ਉੱਤਰ:- ਇੰਟਰਨੈੱਟ ਦੀ ਖੋਜ ਸੰਨ 1969 ਵਿੱਚ ਅਮਰੀਕਾ ਵਿੱਚ ਹੋਈ। ਉਸ ਸਮੇਂ ਇਸ ਨੂੰ ਐਡਵਾਂਸ ਰਿਸਰਚ ਪ੍ਰੋਜੈਕਟ ਏਜੰਸੀ ਨੈੱਟਵਰਕ ਕਿਹਾ ਜਾਂਦਾ ਸੀ। ਇਸ ਦੀ ਵਰਤੋਂ ਫੌਜ ਲਈ ਕੀਤੀ ਜਾਂਦੀ ਸੀ ਪਰ ਬਾਅਦ ਵਿੱਚ ਇਸ ਨੂੰ ਸਿੱਖਿਆ ਅਤੇ ਸਮਾਜਿਕ ਕੰਮਾਂ ਲਈ ਵਰਤਿਆ ਜਾਣ ਲੱਗਿਆ। ਸਾਲ 1979 ਵਿੱਚ ਇਸ ਪ੍ਰਣਾਲੀ ਨੂੰ ਇੰਟਰਨੈੱਟ ਦਾ ਨਾਮ ਦਿੱਤਾ ਗਿਆ। ਭਾਰਤ ਵਿੱਚ ਇਸ ਦੀ ਸ਼ੁਰੂਆਤ 15 ਅਗਸਤ 1995 ਵਿੱਚ ਸੇਵਾ ਸੰਚਾਰ ਕੰਪਨੀ ਵੀ.ਐੱਸ.ਐੱਨ.ਐੱਲ (ਵਿਦੇਸ਼ ਸੰਚਾਰ ਨਿਗਮ ਲਿਮਟਿਡ) ਦੁਆਰਾ ਚਾਰ ਮਹਾਂਨਗਰਾਂ ਵਿੱਚ ਕੀਤੀ ਗਈ।
- ਵੈੱਬਸਾਈਟ ਕੀ ਹੁੰਦੀ ਹੈ।
ਉੱਤਰ:- ਵੈੱਬ ਪੇਜਾਂ ਦੇ ਸਮੂਹ ਨੂੰ ਵੈੱਬਸਾਈਟ ਕਿਹਾ ਜਾਂਦਾ ਹੈ। ਇੱਕ ਵੈੱਬ ਸਾਈਟ ਦੇ ਵੱਖ-ਵੱਖ ਪੇਜਾਂ ਵਿੱਚ ਕਈ ਪ੍ਰਕਾਰ ਦੀ ਸੂਚਨਾ ਨੂੰ ਸਟੋਰ ਕਰਕੇ ਰੱਖਿਆ ਜਾਂਦਾ ਹੈ। ਵੈੱਬਸਾਈਟ ਵਿੱਚ ਟੈਕਸਟ (ਪਾਠ ਸਮੱਗਰੀ) ਦੇ ਨਾਲ-ਨਾਲ ਤਸਵੀਰਾਂ, ਅਵਾਜ਼ਾਂ ਅਤੇ ਵੀਡੀਓ ਆਦਿ ਵੀ ਸ਼ਾਮਿਲ ਕੀਤੇ ਜਾ ਸਕਦੇ ਹਨ। ਵੈੱਬਸਾਈਟ ਨੂੰ ਖੋਲ੍ਹਣ ਲਈ ਇੱਕ ਵਿਸ਼ੇਸ਼ ਕਿਸਮ ਦੇ ਸਾਫਟਵੇਅਰ ਦੀ ਜ਼ਰੂਰਤ ਪੈਂਦੀ ਹੈ ਜਿਸ ਨੂੰ ਵੈੱਬ-ਬ੍ਰਾਊਜ਼ਰ ਜਾਂ ਬ੍ਰਾਊਜ਼ਰ ਵੀ ਕਿਹਾ ਜਾਂਦਾ ਹੈ।
- ਸਰਫਿੰਗ ਤੋਂ ਤੁਹਾਡਾ ਕੀ ਭਾਵ ਹੈ।
ਉੱਤਰ:- ਸਰਫਿੰਗ ਤੋਂ ਭਾਵ ਇੰਨਟਰਨੈੱਟ ਦੀ ਵਰਤੋਂ ਕਰਦਿਆਂ ਵੈੱਬਸਾਈਟਾਂ ਖੋਲ੍ਹਣਾਂ ਜਾਂ ਆਨਲਾਈਨ ਕੰਮ ਕਰਨਾ ਹੈ। ਨੈੱਟ ਸਰਫਿੰਗ ਲਈ ਸਾਨੂੰ ਵੈੱਬਸਾਈਟਾਂ ਦੇ ਪਤਿਆਂ ਦੀ ਜ਼ਰੂਰਤ ਪੈਂਦੀ ਹੈ। ਬ੍ਰਾਊਜ਼ਰ ਵਿੱਚ ਵੈੱਬਸਾਈਟ ਦਾ ਪਤਾ ਭਰ ਕੇ ਐਂਟਰ ਕੀਅ ਦਬਾਉਣ ਨਾਲ ਵੈੱਬਸਾਈਟ ਨੂੰ ਖੋਲ੍ਹਿਆ ਜਾ ਸਕਦਾ ਹੈ।
- ਕੋਈ 4 ਸਰਚ ਇੰਜਨਾਂ ਦੇ ਨਾਮ ਲਿਖੋ।
ਉੱਤਰ:- ਚਾਰ ਸਰਚ ਇੰਜਨਾਂ ਦੇ ਨਾਮ ਹੇਠਾਂ ਲਿਖੇ ਅਨੁਸਾਰ ਹਨ: -
- www.google.co.in
- www.hotbot.com
- www.khoj.com
- www.altavista.com
- ਮੋਡਮ ਉੱਤੇ ਸੰਖੇਪ ਨੋਟ ਲਿਖੋ।
ਉੱਤਰ:- ਮੋਡਮ ਦਾ ਪੂਰਾ ਨਾਮ ਹੈ - ਮਾਡੂਲੇਟਰ ਡੀਮਾਡੂਲੇਟਰ। ਇਹ ਇੱਕ ਇਲੈਕਟ੍ਰੋਨਿਕ ਉਪਕਰਨ ਹੈ ਜਿਸ ਦਾ ਕੰਮ ਹੈ ਐਨਾਲਾਗ ਸਿਗਨਲ ਨੂੰ ਡਿਜ਼ੀਟਲ ਅਤੇ ਡਿਜ਼ੀਟਲ ਸਿਗਨਲ ਨੂੰ ਐਨਾਲਾਗ ਸਿਗਨਲ ਵਿੱਚ ਬਦਲਣਾ। ਇਹ ਦੋ ਪ੍ਰਕਾਰ ਦੇ ਹੁੰਦ ਹਨ - ਇੰਟਰਨਲ ਅਤੇ ਐਕਸਟਰਨਲ।
- ਬ੍ਰਾਊਜ਼ਰ ਕੀ ਕੰਮ ਆਉਂਦਾ ਹੈ?
ਉੱਤਰ:- ਬ੍ਰਾਊਜ਼ਰ ਜਾਂ ਵੈੱਬ-ਬ੍ਰਾਊਜ਼ਰ ਇੱਕ ਵਿਸ਼ੇਸ਼ ਐਪਲੀਕੇਸ਼ਨ ਸਾਫਟਵੇਅਰ ਹੈ ਜਿਸ ਦੀ ਵਰਤੋਂ ਇੰਟਰਨੈੱਟ ਰਾਹੀਂ ਵੈੱਬਸਾਈਟਾਂ ਖੋਲ੍ਹਣ ਲਈ ਕੀਤੀ ਜਾਂਦੀ ਹੈ। ਅੱਜ ਕਲ੍ਹ ਵਰਤੇ ਜਾਣ ਵਾਲੇ ਕੁੱਝ ਬ੍ਰਾਊਜ਼ਰ ਹਨ; ਗੂਗਲ ਕ੍ਰੋਮ (Google Chrome), ਮੋਜ਼ਿਲਾ ਫਾਇਰਫੌਕਸ (Mozilla Firefox) ਅਤੇ ਇੰਟਰਨੈੱਟ ਐਕਸਪਲੋਰਰ (Internet Explorer)।
- ਇੰਟਰਨੈੱਟ ਐਕਸਪਲੋਰਰ ਵਿੱਚ ਫਾਰਵਰਡ ਬਟਨ ਦੀ ਵਰਤੋਂ ਕਿਸ ਕੰਮ ਲਈ ਕੀਤੀ ਜਾਂਦੀ ਹੈ।
ਉੱਤਰ:- ਇੰਟਰਨੈੱਟ ਐਕਸਪਲੋਰਰ ਵਿੱਚ ਫਾਰਵਰਡ ਬਟਨ ਦੀ ਵਰਤੋਂ ਮੁੜ ਤੋਂ ਉਸ ਵੈੱਬਪੇਜ ਤੇ ਜਾਣ ਲਈ ਕੀਤੀ ਜਾਂਦੀ ਹੈ, ਜਿਸ ਤੋਂ ਯੂਜ਼ਰ ਬੈਕ ਬਟਨ ਉੱਤੇ ਕਲਿੱਕ ਕਰਕੇ ਪਿਛਲੇ ਪੇਜ ਤੇ ਆਇਆ ਹੋਵੇ। ਇਸ ਤਰ੍ਹਾਂ ਇਸ ਦੀ ਮਦਦ ਨਾਲ ਸਾਨੂੰ ਪਹਿਲਾਂ ਖੋਲ੍ਹੇ ਵੈੱਬ ਪੇਜ ਦਾ ਪਤਾ ਯਾਦ ਰੱਖਣ ਜਾਂ ਭਰਣ ਦੀ ਜ਼ਰੂਰਤ ਨਹੀਂ ਪੈਂਦੀ, ਪਰ ਫਾਰਵਰਡ ਬਟਨ ਦੀ ਵਰਤੋਂ ਉਦੋਂ ਹੀ ਕੀਤੀ ਜਾ ਸਕਦੀ ਹੈ, ਜੇਕਰ ਯੂਜ਼ਰ ਨੇ ਪਹਿਲਾਂ ਬੈਕ ਬਟਨ ਦੀ ਵਰਤੋਂ ਕੀਤੀ ਹੋਵੇ।
- ਐਕਸਪਲੋਰਰ ਵਿੱਚ ਐਡਰੈੱਸ ਬਾਰ ਕੀ ਕੰਮ ਆਉਂਦੀ ਹੈ?
ਉੱਤਰ:- ਐਕਸਪਲੋਰਰ ਵਿੱਚ ਐਡਰੈੱਸ ਬਾਰ ਦੀ ਵਰਤੋਂ ਖੋਲ੍ਹੀ ਜਾਣ ਵਾਲੀ ਵੈੱਬਸਾਈਟ ਦਾ ਪਤਾ ਭਰਨ ਲਈ ਕੀਤੀ ਜਾਂਦੀ ਹੈ। ਖੋਲ੍ਹੀ ਜਾਣ ਵਾਲੀ ਵੈੱਬਸਾਈਟ ਦਾ ਪਤਾ ਭਰ ਕੇ ਗੋ (Go) ਬਟਨ ਉੱਤੇ ਕਲਿੱਕ ਕਰਨ ਜਾਂ ਕੀਬੋਰਡ ਤੋਂ ਐਂਟਰ ਕੀਅ ਦਬਾਉਣ ਨਾਲ ਵੈੱਬਸਾਈਟ ਖੁੱਲ੍ਹ ਕੇ ਤੁਹਾਡੇ ਸਾਹਮਣੇ ਆ ਜਾਂਦੀ ਹੈ।
- ਈ-ਮੇਲ ਐਡਰੈੱਸ ਕੀ ਹੁੰਦਾ ਹੈ?
ਉੱਤਰ:- ਈ-ਮੇਲ ਭੇਜਣ ਅਤੇ ਪ੍ਰਾਪਤ ਕਰਨ ਲਈ ਈ-ਮੇਲ ਪਤਾ ਹੋਣਾ ਬਹੁਤ ਜ਼ਰੂਰੀ ਹੈ। ਇਸ ਪਤੇ ਦੀ ਆਮ ਬਣਤਰ ਇਸ ਤਰ੍ਹਾਂ ਦੀ ਹੁੰਦੀ ਹੈ; Username@Host । ਇਸ ਪਤੇ ਦੇ ਦੋ ਭਾਗ ਹਨ:-
- ਵਰਤਣ ਵਾਲੇ ਦਾ ਨਾਮ (Username)
- ਹੋਸਟ ਦਾ ਨਾਮ (Host)
ਇੱਥੇ ਹੋਸਟ ਜਾਂ ਮੇਜ਼ਬਾਨ ਤੋਂ ਭਾਵ ਹੈ ਈ-ਮੇਲ ਦੀ ਸੁਵਿਧਾ ਪ੍ਰਦਾਨ ਕਰਵਾਉਣ ਵਾਲਾ। ਜਿਵੇਂ ਕਿ ajay@smartstudies.in ਵਿੱਚ ajay ਵਰਤਣ ਵਾਲੇ ਦਾ ਨਾਮ ਅਤੇ smartstudies.in ਈ-ਮੇਲ ਦੀ ਸੁਵਿਧਾ ਪ੍ਰਧਾਨ ਕਰਨ ਵਾਲੀ ਇੱਕ ਵੈੱਬਸਾਈਟ ਹੈ।
- ਕੰਪਿਊਟਰ ਵਾਇਰਸ ਕੀ ਹੁੰਦੇ ਹਨ?
ਉੱਤਰ:- ਕੰਪਿਊਟਰ ਵਾਇਰਸ ਕੁਝ ਸਾਫਟਵੇਅਰ ਪ੍ਰੋਗਰਾਮ ਹੁੰਦੇ ਹਨ ਜੋ ਕੰਪਿਊਟਰ ਦੇ ਆਮ ਕੰਮ-ਕਾਜ ਵਿੱਚ ਕਈ ਤਰੀਕਿਆਂ ਨਾਲ ਵਿਘਨ ਪਾ ਸਕਦੇ ਹਨ। ਇਹਨਾਂ ਦਾ ਪੁਨਰ ਜਨਮ ਹੁੰਦਾ ਰਹਿੰਦਾ ਹੈ ਤੇ ਇਹ ਆਪਣੇ ਆਪ ਵਧਦੇ ਰਹਿੰਦੇ ਹਨ। ਇਹ ਕੰਪਿਊਟਰ ਵਿੱਚ ਮੌਜੂਦ ਫਾਈਲਾਂ ਜਾਂ ਫੋਲਡਰਾਂ ਨੂੰ ਹਾਈਡ (ਛੁਪਾਉਣਾ)ਜਾਂ ਡਿਲੀਟ (ਮਿਟਾਉਣਾ) ਕਰ ਸਕਦੇ ਹਨ ਜਾਂ ਉਹਨਾਂ ਨੂੰ ਬਦਲ ਸਕਦੇ ਹਨ। ਕੰਪਿਊਟਰ ਦੀ ਸਪੀਡ ਨੂੰ ਘਟਾ ਸਕਦੇ ਹਨ ਅਤੇ ਇੰਟਰਨੈੱਟ ਰਾਹੀਂ ਸੂਚਨਾ ਦਾ ਅਦਾਨ-ਪ੍ਰਦਾਨ ਵੀ ਕਰ ਸਕਦੇ ਹਨ। ਕਈ ਤਰ੍ਹਾਂ ਦੇ ਵਾਇਰਸ ਤਾਂ ਓਪਰੇਟਿੰਗ ਸਿਸਟਮ ਨੂੰ ਕੰਮ ਕਰਨ ਤੋਂ ਰੋਕ ਦਿੰਦੇ ਹਨ। ਇਹ ਜ਼ਿਆਦਾ ਤਰ ਇੰਟਰਨੈੱਟ ਰਾਹੀਂ ਜਾਂ ਵਾਇਰਸ ਇਨਫੈਕਟਿਡ ਸਾਫਟਵੇਅਰ ਜਾਂ ਮੀਡਿਆ (ਪੈਨ ਡਰਾਈਵ, ਮੈਮਰੀ ਕਾਰਡ ਆਦਿ) ਤੋਂ ਫੈਲਦੇ ਹਨ।